Kuch Karein Apne Yaar

کچھ کریں اپنے یار کی باتیں کچھ دلِ داغدار کی باتیں

Your Lyrics, Even Offline - Install the App for Free!

ہم تو دل اپنا دے ہی بیٹھے ہیں اب یہ کیا اختیار کی باتیں

میں بھی گزرا ہوں دورِ الفت سے مت سنا مجھ کو پیار کی باتیں

اہل دل ہی یہاں نہیں کوئی کیا کریں حالِ زار کی باتیں

پی کے جام محبت جاناں اللہ اللہ خمار کی باتیں

مر نہ جانا متاعِ دنیا پر سن کے تو مالدار کی باتیں

یوں نہ ہوتے اسیر ذلت تم سنتے گر ہوشیار کی باتیں

ہر گھڑی وجد میں رہے اخترؔ کیجئے اس دیار کی باتیں