Nazar Pe Kisi Ki Nazar

نظر پہ کسی کی نظر ہو رہی ہے مری چشم کانِ گہر ہو رہی ہے

مرے خفیہ نالوں کو وہ سن رہے ہیں عنایت کسی کی ادھر ہو رہی ہے

وہ طیبہ میں مجھ کو طلب کر رہے ہیں طلب میری اب معتبر ہو رہی ہے

ہوا طالب طیبہ مطلوبِ طیبہ طلب تیری اے منتظر ہو رہی ہے

Find Your Favorite Lyrics Anytime, Anywhere - Install the App Today!

مدینے میں ہوں اور پچھلا پہر ہے شب زندگی کی سحر ہو رہی ہے

نئی زندگی کی وہ مے دے رہے ہیں مری زندگانی امر ہو رہی ہے

مدینے سے میری بلا جائے اخترؔ مری زندگی وقف در ہو رہی ہے