Teri Chokhat Pe Jo Sar Apna

تیری چوکھٹ پہ جو سر اپنا جھکا جاتے ہیں ہر بلندی کو وہی نیچا دکھا جاتے ہیں

سرفرازیٔ اجل ان کو ملا کرتی ہے نخوتِ سر جو ترے درپہ مٹا جاتے ہیں

ڈوبے رہتے ہیں تیری یاد میں جو شام و سحر ڈوبتوں کو وہی ساحل سے لگا جاتے ہیں

اے مسیحا ترے بیمار ہیں ایسے بیمار جہاں بھر کا دکھ درد مٹا جاتے ہیں

مرنے والے رخِ زیبا پہ ترے جانِ جہاں عیش جاوید کے اسرار بتا جاتے ہیں

آسماں تجھ سے اٹھائے نہ اٹھیں گے سن لے ہجر کے صدمے جو عشاق اٹھا جاتے ہیں

ذکر سرکارا بھی کیا آگ ہے جس سے سنی بیٹھے بیٹھے دلِ نجدی کو جلا جاتے ہیں

جن کو شیرینیٔ میلاد سے گھن آتی ہے آنکھ کے اندھے انہیں کوا کھلا جاتے ہیں

دشت طیبہ میں نہیں کیل کا کھٹکا اخترؔ نازک اندام وہاں برہنہ پا جاتے ہیں