Zindagi Yeh Nahi Hai

زندگی یہ نہیں ہے کسی کے لئے زندگی ہے نبی کی نبی کے لئے

ناسمجھ مرتے ہیں زندگی کے لئے جینا مرنا ہے سب کچھ نبی کے لئے

چاندنی چار دن ہے سبھی کے لئے ہے صدا چاند عبد النبی کے لئے

انت فیہم کے دامن میں منکر بھی ہیں ہم رہے عشرتِ دائمی کے لئے

عیش کرلو یہاں منکرو چار دن مرکے تر سوگے اس زندگی کے لئے

داغِ عشق نبی لے چلو قبر میں ہے چراغ لحد روشنی کے لئے

نقشِ پائے سگان نبی دیکھئے یہ پتہ ہے بہت رہبری کے لئے

مسلک اعلیٰ حضرت سلامت رہے ایک پہچان دین نبی کے لئے

مسلک اعلیٰ حضرت پہ قائم رہو زندگی دی گئی ہے اسی کے لئے

صلح کلی نبی کا نہیں سنیو! سنی مسلم ہے سچا نبی کے لئے

وہ بلاتے ہیں کوئی یہ آواز دے دم میں جا پہنچوں میں حاضری کے لئے

اے نسیم صبا ان سے کہہ دے شہا مضطرب ہے گدا حاضری کے لئے

جن کے دل میں ہے عشقِ نبی کی چمک وہ ترستے نہیں چاندنی کے لئے

جن کے دل میں ہیں جلوے ترے عشق کے چشمۂ نور ہیں روشنی کے لئے

اخترؔ قادری خلد میں چل دیا خلد وا ہے ہر اک قادری کے لئے