Tum Se Jo Garezaan Hai

تم سے جو گریزاں ہے فرزانہ وہ دیوانہ شیدا جو ہوا تم پر دیوانہ وہ فرزانہ

آجا دلِ ویراں میں تیرا ہو یہ کاشانہ للّہ کرم فرما اے جلوہؑ جانانہ

آنکھوں سے پِلا وہ مے سرمست رہوں جس سے بھر دے میرا پیمانہ اے ساقئ میخانہ

Why Screenshot When You Can Download? Get the App for Efficient Storage!

وہ ابرِ بہار آیا ہر شے پہ نکھار آیا لا جلد میرے ساقی دے ساغر و پیمانہ

کیا رات کے پردے سے چپکے سے سحر نکلی یا جانِ دل آرا نے زلفوں میں کیا شانہ

بدکار صحیح لیکن بندہ ہوں تیرے در کا محروم نہ رکھ مجھ کو اے شانِ کریمانہ

یوں تھام کے دامن کو مچلا ہے سرِ محشر دیکھے کوئی اختر کا یہ نازِ غلامانہ