Wajah Nishat e Zindagi

Wajah-e-nishat-e-zindagi rahat-e-jaan tum hi toh ho Rooh-e-rawan-e-zindagi jaan-e-jahan tum hi toh ho

Tum jo na thay toh kuch na tha tum jo na ho toh kuch na ho Jaan-e-jahan tum hi toh ho jaan-e-jinan tum hi toh ho

Taj-e-waqar-e-khakiyan nazish-e-arsh-o-arshiyan Fakhr-e-zameen-o-aasman fakhr-e-zaman tum hi toh ho

Get Lyrics On-The-Go! Download Our App Now!

Kis se karoon bayan-e-gham kaun sunay fughan-e-gham Paoon kahan aman-e-gham amn-o-aman tum hi toh ho

Rooh-o-rawan-e-zindagi taab-o-tawan-e-zindagi Amn-o-aman-e-zindagi Shah-e-shahan tum hi toh ho

Tum ho charagh-e-zindagi tum ho jahan ki roshni Mehr-o-mah-o-nujoom mein jalwa-kunan tum hi toh ho

Tum se jahan-e-rang-o-boo tum ho chaman ki aabroo Jaan-e-bahar-e-gulistan sarv-e-chaman tum hi toh ho

Tum ho qiwam-e-zindagi tum se hai zindagi bani Tum se kahay hai zindagi rooh-e-rawan tum hi toh ho

Asl-e-shajar mein ho tum hi nakhl-o-samar mein ho tum hi In mein ayan tum hi toh ho in mein numan tum hi toh ho

Tum ho namood-e-awwaleen shama-e-abad bhi ho tum hi Shah-e-zaman yahan, wahan sikka-nishan tum hi toh ho

Akhtar ki hai majal kya mehshar mein sab hain dam-ba-khud Sab ki nazar tum hi pe hai sab ki zaban tum hi toh ho