Zindagi Ke Raaston Se Yun

Zindagi ke raaston se yun guzar un ka hua Jaan ka dushman bhi un ko dekh kar un ka hua

Un ki tashreef aavari un ki gawahi ban gayi Teergi kuffar ki noor-e-sahar un ka hua

Poori tareekh jahan ki roshni utni nahin Lamhe lamhe mein ujala jis qadar un ka hua

Un ke qadmon ne dikhaye raaste aflaak ke Hogaya Allah us ka, jo bashar un ka hua

Download Lyrics & Access Offline - Install Our App Now!

Zindagi kya, zindagi ke baad tak waaste Un ka ho kar reh gaya jo lamha bhar un ka hua

Zindagi us ki hawaon mein diye le kar chali Jo badha un ke taraf, jo hamsafar un ka hua

Asal mein umr-e-wujood un ki thi utni hi taweel Zindagi ka daur jitna mukhtasar un ka hua

Jab Muzaffar baantna chaha mujhe taqdeer ne Aankh duniya ne jhapat li, dil magar un ka hua