Zindagi Ke Raaston Se Yun

زندگی کے راستوں سے یوں گزر اُن کا ہُوا جان کا دشمن بھی اُن کو دیکھ کر اُن کا ہُوا

اُن کی تشریف آوری اُن کی گواہی بن گئی تیرگی کفّار کی نُورِ سحَر اُن کا ہُوا

پُوری تاریخ جہاں کی روشنی اُتنی نہیں لمحے لمحے میں اُجالا جس قدر اُن کا ہُوا

اُن کے قدموں نے دکھا ئے راستے افلاک کے ہوگیا اللہ اُس کا ، جو بشر اُن کا ہُوا

زندگی کیا ، زندگی کے بعد تک واسطے اُن کا ہو کر رہ گیا جو لمحہ بھر اُن کا ہُوا

Never Be Without Your Favorite Lyrics - Get the App for Offline Access!

زندگی اُس کی ہَواوں میں دِیے لے کر چلی جو بڑھا اُن کے طرف ، جو ہمسفر اُن کا ہُوا

اصل میں عمر ِ وجود اُن کی تھی اُتنی ہی طویل زندگی کا دَور جتنا مختصر اُن کا ہُوا

جب مظفؔر بانٹنا چاہا مجھے تقدیر نے آنکھ دُنیا نے جھپٹ لی ، دِل مگر اُن کا ہُوا