Zamana Ne Zamana Mein

Zamana ne zamana mein sakhi aisa kahin dekha Labon par jis ke sail ne nahin aate nahin dekha

Musibat mein jo kaam aaye gunahgaron ko bakhshaye Woh ik Fakhr-e-Rusul mehboob-e-Rabb-ul-Aalameen dekha

Banaya jis ne bigron ko sambhala jis ne girton ko Woh hi hallal-e-mushkil Rahmat-ul-lil-Aalameen dekha

Woh haadi jis ne dunya ko Khuda wala bana dala Dilon ko jis ne chamkaya Arab ka mah-jabeen dekha

Base jo farsh par aur arsh tak us ki hukumat ho Woh Sultan-e-Jahan Taiba ka ik naqa-nasheen dekha

Woh aaqa jo ki khud khaye khajoorein aur ghulamon ko Khilaye ne'matein dunya ki kab aisa kahin dekha

Bhala aalam si shai makhfi rahe us chashm-e-haq-been se Ke jis ne Khaliq-e-Aalam ko be-shak bil-yaqeen dekha

Musalmani ka dawa aur phir tauheen-e-Sarwar ki Zamana ne zamana bhar mein kab aisa la'een dekha

Download Lyrics & Access Offline - Install Our App Now!

Ho lab par ummati jis ke kahin jab Ambiya nafsi Do-aalam ne use Salik shafi-ul-muznebeen dekha