Aye Saba Tera Guzar Ho

Ae saba tera guzar ho jo Madinah mein kabhi Jaana us gumbad-e-khizra mein ke hain jis mein Nabi

Instant Access to Thousands of Lyrics - Tap to Install!

Haath se apne pakad kar woh sunheri jaali Arz karna meri jaanib se basad shauq-e-dili

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi

Umr saari toh kati lahw-o-la'ab mein Aaqa Zindagi ka koi lamha nahi achha guzra

Saare a'amaal siya jurm se daftar hai bhara Aarzoo hai ke gunahon ka ho yun kaffara

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi

Arz karna ke kahan mujh sa kameena ganda Aur woh shehar kahan jis mein hon Mehboob-e-Khuda

Haan suna hai ke nibhate hain buron ko Maula Is liye aap ke darwaze pe deta hai sada

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi

Aarzoo dil ki hai jab band ho harkat-e-dil ki Aankh pathraye mujhe aaye akhiri hichki

Rooh jaane lage jab chhod ke jism-e-khaki Jism Taiba mein ho aur jaan chale suye Nabi

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi

Ya Nabi is ke siwa aur main kya arz karoon Aap ka ho ke jiyoon aap ka ho kar hi maroon

Aap ke dar se pala aap ke dar par hi mitoon Jaan tum se mili tum par hi nichawar kardoon

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi

Gar muyassar nahi Salik ko huzoor-e-badani Rooh haazir hai magar misl-e-Uwais-e-Qarni

Jism Hindi hai mera jaan hai meri Madani Ya Khuda door kisi tarah ho bu'd-e-badani

Hai tamanna yeh Khuda se ke Rasool-e-Arabi Apni aankhon ko maloon aap ki chaukhat se Nabi