Zamana Hajj Ka Hai

Zamanah Hajj ka hai jalwah diya hai Shahid-e-gul ko Ilahi taqat-e-parwaz de parhaye bulbul ko

Baharein aaein joban par ghira hai abr-e-rehmat ka Lab-e-mushtaq bheigein de ijazat saqiya mul ko

Mile lab se woh mushkein mohr wali dam mein dam aaye Tapak sun kar Qum-e-Isa kahoon masti mein qulqul ko

Offline Lyrics Anytime, Anywhere - Download the App Today!

Machal jaaun sawal-e-mudda par tham kar daman Behakne ka bahana paaun qasd-e-be-taammul ko

Dua kar bakht-e-khuftah jaag hangam-e-ijabat hai Hataya subh-e-rukh se Shah ne shab-haye kakul ko

Zaban-e-falsafi se amn kharq-o-iltiyam asra Panah-e-daur-e-rehmat haye yak saat tasalsul ko

Do-shambah Mustafa ka Jumuah-e-Adam se behtar hai Sikhana kya lihaz-e-haisiyat khu-e-taammul ko

Wufur-e-shan-e-rehmat ke sabab jurrat hai ae pyare Na rakh bahr-e-Khuda sharmindah arz-e-be-taammul ko

Pareshani mein naam un ka dil-e-sad chak se nikla Ijabat shana karne aayi gesu-e-tawassul ko

Raza na sabzah-e-gardoon hain kotal jis ke maukab ke Koi kya likh sake us ki sawari ke tajammul ko