Yun Tazgi-e-Rooh Ka Saman Karein Ge

یوں تازگیِ روح کا سامان کریں گے ہر سانس کو آقا کا ثنا خوان کریں گے

جوڑیں گے مدینے کی ہواؤں سے تعلق افکار کے جنگل کو گلستان کریں گے

کروا کے اسے گنبدِ خضریٰ کا نظارہ ہم نفسِ منافق کو مسلمان کریں گے

کیا کیا نہ عطا ہوگا فقیروں کو وہاں سے دربار میں جب مدحتِ سلطان کریں گے

لٹکیں گی یونہی سر پہ ہمارے یہ صلیبیں جب تک نہ قبول آپ کا فرمان کریں گے

پھوٹیں گی ہر اِک شعر سے تاثیر کی کرنیں ہم نعت کو جب تابعِ قرآن کریں گے

محشر میں پڑھے جائیں گے سرکار کی نعتیں یوں مرحلہِ خُلد کو آسان کریں گے

Find Your Favorite Lyrics Anytime, Anywhere - Install the App Today!

ہر ذہن کو ہم دیں گے مدینے کا تصور ہر قلب کو ہم صاحبِ عرفان کریں گے

جس ذات سے شہزاد ہے ہر چیز سلامت اُس ذات پہ ہر چیز کو قربان کریں گے