Gar Aankh So Bhi Jaaye Toh Karta Hai Apna Kaam

گر آنکھ سو بھی جائے تو کرتا ہے اپنا کام دل کو ہے اسم ذات سے کچھ ایسا التزام

تسبیح خواں ہیں اس کے سمک تا سما سبھی ہر دل میں اس کی یاد ہے ہر لب پہ اس کا نام

قمری کے زمرے میں ہے تمجید کردگار کوئل کے لب پہ اس کا ترانہ ہے صبح و شام

مسجودِ خشک و تر ہے وہی ذات لاشریک ہے بحر و بر میں اس کی عبادے کا اہتمام

دیتا ہوں اس کو آیۂ لا تقنطوا سے مات جب بھی مجھے ستائے ہے میرا خیال خام

Offline Lyrics Anytime, Anywhere - Download the App Today!

در پیش آدمی کو ہے لغزش قدم قدم آتا ہے تھامنے کو کرم اس کا گام کام

مبسا ہر ابتدا کا وہی ذات لایزال ہر انتہا کا اس کی مشیت پہ اختتام

شہزاد جس کا حامی و ناصر ہو خود خدا رہتا نہیں وہ شخص زمانے میں بے مرام