Gar Aankh So Bhi Jaaye Toh Karta Hai Apna Kaam

Gar aankh so bhi jaaye toh karta hai apna kaam Dil ko hai ism-e-zaat se kuch aisa iltizam

Tasbeeh khwan hain uske samak ta sama sabhi Har dil mein uski yaad hai har lab pe uska naam

Qumri ke zumre mein hai tamjeed-e-kirdagar Koyal ke lab pe uska tarana hai subh-o-shaam

Stop Wasting Storage - Download Lyrics in Lightweight Text Format!

Masjood-e-khushk-o-tar hai wahi zaat-e-la-shareek Hai bahr-o-bar mein uski ibadat ka ehtimam

Deta hoon isko aayah-e-la-taqnatu se maat Jab bhi mujhe sataye hai mera khayal-e-khaam

Dar-pesh aadmi ko hai laghzish qadam qadam Aata hai thamne ko karam uska gaam-gaam

Mabda har ibtida ka wahi zaat-e-layazal Har intiha ka uski mashiyat pe ikhtitam

Shahzad jiska hami-o-nasir ho khud Khuda Rehta nahi woh shakhs zamane mein be-maraam