Paaon Jo Dil Mein Khwahish-e-Jah-o-Hasham Ko Main

Paaon jo dil mein khwahish-e-jah-o-hasham ko main Karta hoon yaad aap ke sang-e-shikam ko main

Rehta hai us ki nok par ism-e-Rasool-e-Pak ﷺ Deta hoon is khayal se bosah qalam ko main

Parhte hue durood Khuda ke Habib par Jaaunga itminan se mulk-e-adam ko main

Stop Wasting Storage - Download Lyrics in Lightweight Text Format!

Aata hai rashk sail-e-Taibah ke bakht par Takta hoon jab Huzoor ﷺ ke jood-o-karam ko main

Ab to mujhe naseeb ho tarz-e-Arab Huzoor ﷺ! Baitha hoon kab se chor kar rasm-e-Ajam ko main

Dhal kar niaz-o-ajz ke sanche mein sartapa Choomunga ja ke ek din arz-e-Haram ko main

Karta hoon apna qibla-e-fikr-o-nazar durust Markaz bana kar aap ke naqsh-e-qadam ko main