Woh Bashar Ke Jis Ke Tasawur Se Qavi Imaan Ho

Woh bashar jis ke tasawwur se qawi imaan ho Kaun hai un ke siwa jo bolta Quran ho

Shaam-e-hasti mein jalein husn-e-aqeedat ke charagh Roshni subh-e-jahan mein naat ka faizan ho

Phir ata ho jayein qalb-o-jaan ko woh sarshariyan Phir mere Aaqa ﷺ hazoori ka koi saman ho

Yeh zameen kya aasmanon mein bhi hon jis ke wazir Ghair mumkin hai ke ab aisa koi Sultan ho

Find Your Favorite Lyrics Anytime, Anywhere - Install the App Today!

Zeb-e-tan un ke na ho kyon kar imamat ki qaba Jin ka har irshad-e-pak Allah ka farman ho

Mazhar-e-zaat-o-sifaat-e-Haq Ta'ala hain Huzoor ﷺ Kyon na un ke husn se zahir Khuda ki shaan ho

Zikr-e-ausaf-e-Nabi ﷺ Shahzad aksar keejiye Shayad is tarah se kuch shukrana-e-ehsan ho