Seerat-o-Surat Mustafaﷺ Roshni

Seerat-o-surat-e-Mustafa ﷺ roshni Mere Aaqa ﷺ ki hai har ada roshni

Un ke alfaaz suraj se rakhshinda-tar Guftagu, harf, lehja, sada roshni

Zulmat-e-dahar mein hai sitara fishan Sarwar-e-Deen ki madh-o-sana roshni

Ek samundar hai Kaaba bhi anwaar ka Sabz gumbad ki hai par juda roshni

Chhat gayin matla-e-dahar se zulmatein Le ke aaye Rasool-e-Khuda ﷺ roshni

Dekh kar dang hai Arsh ki aankh bhi Oarh aayi kuch aisi qaba roshni

Faiz-yab dar-e-Shah-e-Lolaak hain Chand, suraj, sitare, saba roshni

Instant Access to Thousands of Lyrics - Tap to Install!

Bargah-e-Risalat ﷺ se Shahzad ko Ho rahi hai musalsal ata roshni