Dil Ko Lazat Aashna Karta Hai Tu

Dil ko lazzat-ashna karta hai tu Aasiyon ko ba-safa karta hai tu

Teri rehmat ki koi had hi nahin Naimatein sab ko ata karta hai tu

Doston se hoga tera kya sulook Dushmanon ka jab bhala karta hai tu

Nafs-e-ammarah ko kar de mutma'in Baad-e-sarsar ko saba karta hai tu

Download Lyrics & Access Offline - Install Our App Now!

Ek bachay ke liye maa baap ko Parwarish ka wasta karta hai tu

Is jahan mein bhej kar apne Rasool Haq-o-batil ko juda karta hai tu

Allah Allah teri shafqat ka kamal Be-wafaon se wafa karta hai tu

Tu faqiron ko bana deta hai shah Badshahon ko gada karta hai tu

Ae meray mushkil kusha meray Kareem! Door mujh se har bala karta hai tu

Markaz-e-umeed teri zaat hai Arz-e-sail ki suna karta hai tu

Jab kaji Shahzad paye nafs mein Us ko seedha Ae Khuda karta hai tu