Dil Ko Lazat Aashna Karta Hai Tu

دل کو لذت آشنا کرتا ہے تو عاصیوں کو باصفا کرتا ہے تو

تیری رحمت کی کوئی حد ہی نہیں نعمتیں سب کو عطا کرتا ہے تو

دوستوں سے ہوگا تیرا کیا سلوک دشمنوں کا جب بھلا کرتا ہے تو

نفس امارہ کو کر دے مطمئن بادِ صرصر کو صبا کرتا ہے تو

ایک بچے کے لیے ماں باپ کو پرورش کا واسطہ کرتا ہے تو

اس جہاں میں بھیج کر اپنے رسول حق و باطل کو جدا کرتا ہے تو

اللہ اللہ تیری شفقت کا کمال بے وفاؤں سے وفا کرتا ہے تو

تو فقیروں کو بنا دیتا ہے شاہ بادشاہوں کو گدا کرتا ہے تو

No Internet? No Problem! Get the App for Offline Lyrics!

اے مرے مشکل کشا میرے کریم! دور مجھ سے ہر بلا کرتا ہے تو

مرکز امید تیری ذات ہے عرض سائل کی سنا کرتا ہے تو

جب کجی شہزاد پائے نفس میں اس کو سیدھا اے خدا کرتا ہے تو