Jo Teri Yaad Mein Guzre Wahi Lamha Moasar Hai

جو تیری یاد میں گزرے وہی لمحہ مؤثر ہے کہ اس لمحے کی خوشبو سے مشامِ جاں معطر ہے

پرونا فکر کی تسبیح میں موتی دُرودوں کے یہی ہے حاصلِ ہستی یہی میرا مقدر ہے

جنابِ سرورِ کونین کی چوکھٹ پہ وہ دیکھو! گزارش لے کے پلکوں پر کھڑا کوئی سخنور ہے

کوئی سلطان پھر کیسے جچے اس کی نگاہوں میں درِ سرکار کا سائل تو خود رشکِ سکندر ہے

More Lyrics, Less Storage - Install the App and Ditch the Screenshots!

نظر سرکار کی سیرت کے ہر پہلو پہ ہو جس کی وہی مرشد وہی رہبر وہی حاکم مؤقر ہے

پہنچتی ہے کمک ہر دم مجھے شہرِ مدینہ سے مرے آگے اسی خاطر مری ہستی مسخر ہے

شہِ کونین کے لطف و کرم پر ہے مدار اس کا حقیقت آشنا جس نور سے میرا تصور ہے

خدا کے فضل سے تحریک ہے میرے لطائف میں نگاہِ مرشدِ کامل سے میرا دل منور ہے

عجب فیضان ہے شہزاد نعتِ سرورِ دیں کا پریشانی کے اندر بھی مجھے تسکین میسر ہے