Jo Teri Yaad Mein Guzre Wahi Lamha Moasar Hai

Jo teri yaad mein guzre wohi lamha muassir hai Ke us lamhe ki khushbu se masham-e-jaan muattar hai

Pirona fikr ki tasbeeh mein moti duroodon ke Yahi hai hasil-e-hasti yahi mera muqaddar hai

Janab-e-Sarwar-e-Konain ki chaukhat pe woh dekho! Guzarish le ke palkon par khada koi sukhanwar hai

Koi Sultan phir kaise jache us ki nigahon mein Dar-e-Sarkar ka sail toh khud rashk-e-Sikandar hai

Nazar Sarkar ki seerat ke har pehlu pe ho jis ki Wohi murshid wohi rahbar wohi hakim-e-muwaqqar hai

Pohanchti hai kumak har dam mujhe shehr-e-Madinah se Mere aage isi khatir meri hasti musakhkhar hai

Free Up Space - Get Lyrics Without Bulky Screenshots!

Shah-e-Konain ke lutf-o-karam par hai madar is ka Haqeeqat aashna jis noor se mera tasawwur hai

Khuda ke fazl se tehreek hai mere lataif mein Nigah-e-murshid-e-kamil se mera dil munawwar hai

Ajab faizan hai Shahzad naat-e-Sarwar-e-Deen ka Pareshani ke andar bhi mujhe taskeen muyassar hai