Saani-e-Mustafa ﷺ Hua Na Koi

Saani-e-Mustafa ﷺ hua na koi Aap jaisa kaheen suna na koi

Aap aate agar na aalam mein Haq se hota hi aashna na koi

Aap ke baad ae sarapa-e-jamal Khalq mein aap sa mila na koi

Stop Wasting Storage - Download Lyrics in Lightweight Text Format!

Us ne ki aap ke huqooq ki baat Kar saka jis ka haq ada na koi

Parh liya jhoom kar durood-o-salam Aur mujh se hui dua na koi

Rehbari un pe khatm hai Shahzad Hoga ab un sa rehnuma na koi