Yeh Hai Eman Ke Hain Baad-e-Khuda Khair-ul-Bashar Afzal

Yeh hai imaan ke hain baad-e-Khuda Khair-ul-Bashar afzal Khuda jaane maqam-e-Mustafa ﷺ hai kis qadar afzal

Lage Sarkar ke qadmon se jo zarre jawaher hain Unhi ke faiz-e-nisbat se huye sang-o-shajar afzal

Fazeelat hai ma'ani aashna unki adaon se Har ek pehlu hai unki zindagi ka sar basar afzal

Hidayat bakhsh sab andaaz hain Shah-e-Madinah ke Hai unka har amal afzal, safar afzal, hazar afzal

Naqoosh-e-pa unhi ke Khizr ko rasta dikhate hain Unhi ka raasta seedha, unhi ki rehguzar afzal

Khuda ka zikr ho jis mein, Nabi ﷺ ki naat ho jis mein Na kyun woh shaam ho pyaari, na kyun ho woh sahar afzal

Parakh lo baat yeh be-shak shariat ki kasauti par Hai Baitullah se mere Nabi ﷺ ka mustaqar afzal

Instant Access to Thousands of Lyrics - Tap to Install!

Mera aaghaz aur anjam hai Shahzad naat unki Hua hai kaam ek mujhse yahi maqdoor bhar afzal