Sab Se Afzal Sab Se Aala Tera Naam

Sab se afzal sab se aala tera naam Sab se behtar sab se baala tera naam

No Internet? No Problem! Get the App for Offline Lyrics!

Awwal, aakhir, zaahir, baatin teri shaan Har oonche ki soch se ooncha tera naam

Milti hai taskeen isi se roohon ko Kitna meetha, kitna pyaara tera naam

Shaahid hai har zarra teri qudrat par Likha hai har cheez pe Maula tera naam

Meri har ik rag mein kirnein raqsaan hain Jab se sehan-e-rooh mein chamka tera naam

Jab bhi shaakh-e-nakhl-e-tamanna khushk hui Aas ka baadal ban kar barsa tera naam

Jis ke dil ki aankh khudaya roshan hai Us ne har su roshan dekha tera naam

Us din se ik kaif sa us par taari hai Jis din se Shahzad ne jaana tera naam