Naat-e-Sarkar Kahan Aur Kahan Mein Bekaar

Naat-e-Sarkar kahan aur kahan main bekar Sher-goi hai meri un ke karam ka izhar

Zaib deti hai jahan-bani unhein qaumon ko Aap jaisa ho jin aqwaam ka meer-o-sardar

Jab se dekha hai woh khursheed-e-nabuwwat main ne Tab se rehta hai mera bakht hamesha bedaar

Kaash aajaye mayassar woh shifa-bakhsh fiza Jis mein paate hain sukoon saare jahan ke bimar

Aap ke lutf-o-ata, jud-o-sakha ne todi Nafrat-o-jabr-e-jafa, jaur-o-sitam ki deewar

Aur jachta hi nahi koi qasam se us ko Koi kar leta hai jab aap ke rukh ka deedar

Chand hai aap ka khadim to hai khursheed ghulam Aap ke hukm pe chalte hain jibaal-o-ashjaar

Instant Access to Thousands of Lyrics - Tap to Install!

Ab to mausool huzoori ka ho paigham mujhe Ab to mil jaye mujhe koi basharat Sarkar

Apne Shahzad ke halaat pe bhi ek nazar Farsh ta arsh kiya aap ko Haq ne mukhtar