Naat-e-Sarkar Kahan Aur Kahan Mein Bekaar

نعت سرکار کہاں اور کہاں میں بیکار شعر گوئی ہے مری اُن کے کرم کا اظہار

زیب دیتی ہے جہان بانی انہیں قوموں کو آپ جیسا ہو جن اقوام کا میر و سردار

جب سے دیکھا ہے وہ خورشیدِ نبوت میں نے تب سے رہتا ہے میرا بخت ہمیشہ بیدار

Find Your Favorite Lyrics Anytime, Anywhere - Install the App Today!

کاش آجائے میسر وہ شفا بخش فضا جس میں پاتے ہیں سکوں سارے جہاں کے بیمار

آپ کے لطف و عطا، جود و سخا نے توڑی نفرت و جبر جفا، جور و ستم کی دیوار

اور جچتا ہی نہیں کوئی قسم سے اُس کو کوئی کر لیتا ہے جب آپ کے رُخ کا دیدار

چاند ہے آپ کا خادم تو ہے خورشید غلام آپ کے حکم پہ چلتے ہیں جبال و اشجار

اب تو موصول حضوری کا ہو پیغام مجھے اب تو مل جائے مجھے کوئی بشارت سرکار

اپنے شہزاد کے حالات پہ بھی ایک نظر فرش تا عرش کیا آپ کو حق نے مختار