Seerat-o-Surat Mustafaﷺ Roshni

سیرت و صورت مصطفیٰﷺ روشنی میرے آقاﷺ کی ہے ہر ادا روشنی

ان کے الفاظ سورج سے رخشندہ تر گفتگو، حرف، لہجہ، صدا روشنی

ظلمتِ دہر میں ہے ستارہ فشاں سرورِ دیں کی مدح و ثناء روشنی

اک سمندر ہے کعبہ بھی انوار کا سبز گنبد کی ہے پر جدا روشنی

چھٹ گئیں مطلعِ دہر سے ظلمتیں لے کے آئے رسولِ خداﷺ روشنی

دیکھ کر دنگ ہے عرش کی آنکھ بھی اوڑھ آئی کچھ ایسی قبا روشنی

فیضیاب درِ شاہِ لولاک ہیں چاند، سورج، ستارے، صبا روشنی

No Internet? No Problem! Get the App for Offline Lyrics!

بارگاہِ رسالتﷺ سے شہزاد کو ہو رہی ہے مسلسل عطا روشنی