Mein Ne Kaha Tu Kon Hai?

Main ne kaha tu kaun hai? Us ne kaha Rabb-e-Jahan Main ne kaha kya naam hai? Us ne kaha Shah-e-Shahan

Main ne kaha rahmat teri? Us ne kaha hai be-karan Main ne kaha qudrat teri? Us ne kaha har dam ayan

Main ne kaha kya kaam hai? Us ne kaha jud-o-karam Main ne kaha kya shan hai? Us ne kaha fauq-e-azguman

Main ne kaha kya laaun main? Us ne kaha bas aajizi Main ne kaha main kya karoon? Us ne kaha mera bayan

Main ne kaha tera pata? Us ne kaha qalb-e-hazein Main ne kaha rakht-e-safar? Us ne kaha azm-e-jawan

Main ne kaha main kya banoon? Us ne kaha banda mera Main ne kaha khidmat hai kya? Us ne kaha aah-o-fughan

More Lyrics, Less Storage - Install the App and Ditch the Screenshots!

Main ne kaha sail hoon main? Us ne kaha kuch maang le Main ne kaha teri raza? Us ne kaha dedi hai haan

Main ne kaha zaat-e-Nabi ﷺ? Us ne kaha maqsood-e-kul Main ne kaha Kaaba hai kya? Us ne kaha mera nishan

Main ne kaha Shahzad ka? Us ne kaha sab theek hai Main ne kaha mahshar ke din? Us ne kaha doon ga aman