Kon Kehta Hai Khudai Chahiye

Kaun kehta hai khudai chahiye Bas Muhammad ﷺ ki gadai chahiye

Saaz-o-samaan paas hai lekin huzoor! Qafiley ko rehnumai chahiye

Ab toh karta hai taqaza nafs bhi Qaid-e-khwahish se rehayi chahiye

Un ki azmat ko samajhne ke liye Izz-o-shaan-e-kibriyayi chahiye

Aarzu hai deedah-e-betab ki Phir wahi jalwah-numayi chahiye

Qasr walon se gharaz hum ko nahin Shehr-e-Tayyibah tak rasai chahiye

Your Lyrics, Even Offline - Install the App for Free!

Aye sarapa noor! Aye zulmat shikan Qaryah-e-jaan ko safai chahiye

Kaam jo Shahzad aaye hashr mein Ab koi aisi kamayi chahiye