Mere Malik Mein Teri Yaad Mein Taskeen Pata Hun

Mere Maalik! Main teri yaad mein taskeen paata hoon Main apne dil mein tere zikr ki mehfil sajaata hoon

Muraqib ho ke tere qurb ki lazzat uthaata hoon Main rang-o-noor ke chashmon mein is soorat nahaata hoon

Kabhi main anfus-o-aafaaq mein chakkar lagaata hoon Kabhi Arsh-e-Mualla se bhi aage ghoom aata hoon

Your Lyrics, Even Offline - Install the App for Free!

Hawaas-e-khamsa-e-baatin mein tera shauq barhta hai Teri tasbeeh ke naghmaat jab main gungunaata hoon

Takhayyul raabta karta hai jab asl-e-lataif se Bari mushkil se apne aap mein is dam samaata hoon

Tere faizan se hain qalb, rooh-o-sir, khafi roshan Tere lutf-o-karam ki roshni se jagmagaata hoon

Ba-faiz-e-ism-e-Ahmad ﷺ koi dam aisa bhi hota hai Main apni rooh ko Sarkar ﷺ ke roze pe paata hoon

Durood-e-paak jab parhta hoon main kaamil huzoori se Kabhi Batha mein hota hoon kabhi Taibah ko jaata hoon

Khayaal aata hai ae Shahzad jab aamaal naame ka Nidaamat se Khuda ke saamne sar ko jhukaata hoon