Honton Pe Mere Subh-o-Masa Hamd Hai Teri

Honton pe mere subh-o-masa hamd hai teri Har dard ki be-misal dawa hamd hai teri

Kya lafz hai alhamdulillahil hamd ilahi Har naimat-e-uzma ki jaza hamd hai teri

Takbeer ho tahleel ho tasbeeh keh tahmeed La-raib yeh sab zikr-o-sana hamd hai teri

Tu Sarwar-e-Kounain ka khaliq hai Khudaya Har naat-e-Nabi sall-e-ala hamd hai teri

Karti hain tera zikr samundar ki yeh lehrein Gulshan mein anadil ki sada hamd hai teri

Stop Wasting Storage - Download Lyrics in Lightweight Text Format!

Kaliyon ki mehak bagh mein ghunche ka chatakna Qumri ki sar-e-shakh nawa hamd hai teri

Mazhar hain tere husn ka behte hue chashme Wadi ki sukoon-bakhsh fiza hamd hai teri

Wal-fajr ho wash-shams ho wan-najm keh ikhlas Quran bhi ae Zaat-e-Wara hamd hai teri

Seene mein dharakta hua dil tera sana-go Bande ki ba-sad-e-ajz dua hamd hai teri

Baqi bhi teri zaat hai Qayyum bhi tu hai Khush-bakht hai jis lab pe sada hamd hai teri

Har sher teri hamd ka inaam hai tera Ik hamd ki jaan-bakhsh jaza hamd hai teri

Shahzad tere naam ka zakir hai azal se Aaina-e-altaf-o-ata hamd hai teri