Yun Tazgi-e-Rooh Ka Saman Karein Ge

Yun taazgi-e-rooh ka saamaan karenge Har saans ko Aaqa ka sana-khwaan karenge

Jodenge Madine ki hawaon se talluq Afkaar ke jungle ko gulistaan karenge

Karwa ke usay Gumbad-e-Khizra ka nazara Hum nafs-e-munafiq ko musalman karenge

Kya kya na ata hoga faqiron ko wahan se Darbar mein jab midhat-e-Sultan karenge

Latken gi yunhi sar pe hamare yeh saleeben Jab tak na qabool Aap ka farman karenge

Phooten gi har ik sher se taseer ki kirnen Hum naat ko jab tabe-e-Quran karenge

Hashr mein padhe jayenge Sarkar ki naaten Yun marhala-e-khuld ko aasaan karenge

Har zehen ko hum denge Madine ka tasawwur Har qalb ko hum sahib-e-irfan karenge

No Internet? No Problem! Get the App for Offline Lyrics!

Jis zaat se Shahzad hai har cheez salamat Us zaat pe har cheez ko qurban karenge