Yun Jamal e Rue Jaanan

Yun Jamal-e-ru-e-jaana sham-e-khalwat-khana tha Dil hamara gharq-e-aatish surat-e-parwana tha

Ik jamal-e-be-takalluf jalwa-e-jaanana tha Aankh jis janib uthi, har zarra hairat-khana tha

Soz se khali jigar tha, gham se dil begana tha Ishq mein hum ne woh dekha jo kabhi dekha na tha

Jab haqeeqat se utha parda to yeh uqda khula Khwab tha, wahm-e-dui zakhm-e-khudi, afsana tha

Wasl mein gunjaish-e-aghyar itni bhi na thi Chashm-o-gosh-o-hosh har apna wahan begana tha

Le ke hum se deen-o-dil, aql-o-khirad bola koi Yeh to rah-o-rasm-e-ulfat ka faqat bayana tha

Khana-e-Laila mein thay jannat ke asbab-e-nishat Qais ke hissay mein ta-hadd-e-nazar veerana tha

Zindagi ke hamsafar thay naz'a mein bhi dil ke paas Be-kasi thi, yaas thi, arman thay, kya kya na tha

Woh bhi kya din thay ke Peer-e-maikada ke ishq mein Yeh jabeen-e-shauq thi, sang-e-dar-e-maikhana tha

Never Be Without Your Favorite Lyrics - Get the App for Offline Access!

Faisla dete hue woh barh gaye had se Naseer Main sazawar-e-saza to tha, magar itna na tha