Chand Taare Hi Kya Dekhte Reh Gaye

Chand taare hi kya dekhte reh gaye Un ko arz-o-sama dekhte reh gaye

Hum dar-e-Mustafa dekhte reh gaye Noor hi noor tha dekhte reh gaye

Parh ke Rooh-ul-Ameen Surah-e-Wad-Duha Soorat-e-Mustafa dekhte reh gaye

Woh imamat ki shab, woh saf-e-ambiya Muqtadi, Muqtada dekhte reh gaye

Neik-o-bad par hua un ka yaksaan karam Log achha bura dekhte reh gaye

Woh gaye Arsh tak aur Rooh-ul-Ameen Sidrat-ul-Muntaha dekhte reh gaye

Mo'jaza tha woh hijrat mein un ka safar Dushmanan-e-Khuda, dekhte reh gaye

Offline Lyrics Anytime, Anywhere - Download the App Today!

Marhaba shaan-e-Me'raj-e-Khatm-e-Rusul Sab ke sab ambiya dekhte reh gaye

Kya khabar, kis ko kab jaam-e-Kausar mila Hum toh un ki ada dekhte reh gaye

Jab sawari chali Jibrael-e-Ameen Soorat-e-naqsh-e-paa dekhte reh gaye

Ahl-e-danish, Muhammad pe thay hairati Rooh-e-Quran numa dekhte reh gaye

Ho ke gum ae Naseer un ke jalvon mein hum Shaan-e-Rab-ul-Ula dekhte reh gaye

Main Naseer aaj laya hoon naat-e-Nabi Naat go mera munh dekhte reh gaye