Chashm o Dil Ka Chain Dono

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Chashm-o-dil ka chain dono, rooh-e-mashriqain dono Shah ﷺ ke noor-e-ain dono hain Hasan ؑ Husain ؑ dono

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

More Lyrics, Less Storage - Install the App and Ditch the Screenshots!

Bekason ka aasra hain, na khuda hain ya khuda hain Kya nahi hain aur kya hain guftagu se mawara hain

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Deen-e-Haq ki dhaal dono hain ye hai misaal dono Fatimah ؑ ke laal dono Mustafa ﷺ ki Aal ﷺ dono

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Deen ka shabab hain ye hafiz-e-kitab hain ye Mehr-o-mahtab hain ye Murtaza ka khwab hain ye

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Fiqh mein ik qaul-e-faisal hain Abu Hanifah ؒ awwal Baad mein un ke hain afzal, Malik-o-Idrees ؒ-o-Hanbal ؒ

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Fiqh ke nizam charon, mohtaram hain naam charon Chal rahe hain jaam charon, haq pe hain imam charon

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Hashr mein sab ik kinare, ummati thay dam ko mare Aa gaye jab woh, to sare dekh kar un ﷺ ko pukare

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Ik jhalak jo dekh paaun, jaan main tum par lutaun Raah mein aankhein bichaun dast-e-basta phir sunaun

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Shourish-e-ranj-o-alam kya, kar sake koi sitam kya Larkharayein ab qadam kya, tum jo paas ho to gham kya

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Dil ko raas bhi tumhein ho gham shanaas bhi tumhein ho Dil ki aas bhi tumhein ho dil ke paas bhi tumhein ho

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Rang jazb-o-haal ka do soz-e-dil Bilal ka do Rizq bhi halal ka do, sadqa apni Aal ﷺ ka do

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Nisbaton se kaam lenge, ye maze ghulam lenge Jab ye un ﷺ ka naam lenge, khud woh barh ke thaam lenge

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Qibla-e-roshan zamiran, tamkanat bakhsh faqiran Dast-geer-e-dastgeeran, Ghous-e-Pak peer peeran

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Bagh-e-faqr ki kali hain, mazhar-e-Ghous-e-Jali hain Iftikhar-e-har wali hain, Khwaja-e-Mehr Ali hain

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Man fidaye tu bejanam, juz darat dare nadanam Hai niaz-e-ein-o-aanam, khaak-bos-e-aastanam

Ya Nabi ﷺ salamu alaika, Ya Rasul salamu alaika Ya Habib salamu alaika, salawatu Allah alaika

Us jahan se jab safar ho, roo-e-pak par nazar ho Ye karam Naseer ؒ par ho, us ka sar ho, tera dar ho