Chashm o Dil Ka Chain Dono

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

چشم و دل کا چین دونوں، روح مشرقین دونوں شہؐ کے نورِ عین دونوں ہیں حسنؑ حسینؑ دونوں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

بیکسوں کا آسرا ہیں، نا خدا ہیں یا خدا ہیں کیا نہیں ہیں اور کیا ہیں گفتگو سے ماوریٰ ہیں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

دینِ حق کی ڈھال دونوں ہیں یہ ہے مثال دونوں فاطمہؑ کے لعل دونوں مصطفیٰؐ کی آلؐ دونوں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

دین کا شباب ہیں یہ حافظِ کتاب ہیں یہ مہر و ماہتاب ہیں یہ مرتضیٰ کا خواب ہیں یہ

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

فقہ میں اک قولِ فیصل ہیں ابو حنیفہؒ اول بعد میں ان کے ہیں افض؛، مالک و ادریسؒ و حنبلؒ

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

فقہ کے نظام چاروں، محترم ہیں نام چاروں چل رہے ہیں جام چاروں،حق پہ ہیں امام چاروں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

حشر میں سب اک کنارے، امتی تھے دَم کو مارے آگۓ جب وہ، تو سارے دیکھ کر اُنؐ کو پکارے

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

اک جھلک جو دیکھ پاؤں، جان میں تم پر لُٹاؤں راہ میں آنکھیں بچھاؤں دست بستہ پھر سُناؤں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

شورشِ رنج و الم کیا، کر سکے کوئی ستم کیا لڑکھڑائیں اب قدم کیا، تم جو پاس ہو تو غم کیا

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

دل کو راس بھی تمہیں ہو غم شناس بھی تمہیں ہو دل کی آس بھی تمہیں ہو دل کے پاس بھی تمہیں ہو

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

رنگ جذب و حال کا دو سوزِ دل بلال کا دو رزق بھی حلال کا دو، صدقہ اپنی آلؐ کا دو

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

نسبتوں سے کام لیں گے، یہ مزے غلام لیں گے جب یہ اُنؐ کا نام لیں گے، خود وہ بڑھ کے تھام لیں گے

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

قبلۂ روشن ضمیراں، تمکنت بخش فقیراں دست گیرِ دستگیراں، غوثِ پاک پیر پیراں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

باغِ فقر کی کَلی ہیں، مظہرِ غوثِ جَلی ہیں افتخارِ ہر وَلی ہیں، خواجۂ مہرِ علی ہیں

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

من فداۓ تو بجانم، جُز درت درے ندانم ہے نیازِ این و آنم، خاک بوسِ آستانم

یا نبیؐ سلامُ علیکَ، یا رسُول سلامُ علیکَ یا حسبیب سلامُ علیکَ، صَلَوٰۃُ اللہ علیکَ

اس جہاں سے جب سفر ہو، روۓ پاک پر نظر ہو یہ کرم نصیرؔ پر ہو، اس کا سَر ہو، تیرا در ہو