Raaste Saaf Btate Hain Kay Aap Aty Hain

Raaste saaf batate hain ke Aap ﷺ aate hain Log mehfil ko sajate hain ke Aap aate hain

Ahl-e-dil geet yeh gaate hain ke Aap aate hain Aankh reh reh ke uthate hain ke Aap aate hain

Kehkashaan, raahguzar, chaand, sitare, zarre Sab chamak kar yeh dikhate hain Aap ﷺ aate hain

Apne shahkaar pe Khallaq-e-do-aalam ko hai naaz Ambiya jhoomte jaate hain ke Aap ﷺ aate hain

Ahl-e-eemaan ke labon par hai durood aur salaam Yaum-e-meelad manate hain ke Aap ﷺ aate hain

Dil ko jalvon ki talab, aankh ko Taiba ki lagan Dekhiye un ko bulate hain ke Aap ﷺ aate hain

Un ki aamad ke payaami hain saba ke jhonke Phoolon shaakhon ko hilate hain ke Aap aate hain

Bol baala hua haq ka toh butaan-e-baatil Khanah-e-Ka'aba se jaate hain ke Aap aate hain

Instant Access to Thousands of Lyrics - Tap to Install!

Rahguzar mein nazar aane lage har su jalwe Zarre reh reh kar batate hain ke Aap aate hain

Marhaba sall-e-'ala ki hain sadayein lab par Log sadqe hue jaate hain ke Aap aate hain

Chaand taron mein Naseer aaj badi halchal hai Yehi aasaar batate hain ke Aap ﷺ aate hain