Thi Jis Ke Muqaddar Main Gadayi

Thi jis ke muqaddar mein gadaai tere dar ki Qudrat ne ise raah dikhai tere dar ki

Har waqt hai ab jalwa numaai tere dar ki Tasveer hi dil mein utar aai tere dar ki

Hain arz-o-samaawat teri zaat ka sadaqah Mutaaj hai yeh sari khudai tere dar ki

Never Be Without Your Favorite Lyrics - Get the App for Offline Access!

Anwaar hi anwaar ka alam nazar aaya Chilman jo zara mein ne uthai tere dar ki

Dar se tere Allah ka dar hum ko mila hai Is owj ka baais hai rasai tere dar ki

Aik na'mat-e-azmi se woh mahroom rahe ga Jis shakhs ne khairat na pai tere dar ki

Phir us ne koi aur tasawwur nahi bandha Hum ne jise tasveer dikhai tere dar ki

Aaya Nasir aaj tamanna yehi le kar Palakon se kiye jaaye safai tere dar ki