We've added ads to help keep the platform running and improving for you. Learn More
تھی جس کے مقدر میں گدائی تیرے درکی قدرت نے اسے راہ دکھائی تیرے در کی
ہر وقت ہے اب جلوہ نمائی تیرے در کی تصویر ہی دل میں اتر آئی تیرے در کی
ہیں ارض و سماوات تری ذات کا صدقہ محتاج ہے یہ ساری خدائی تیرے در کی
انوار ہی انوار کا عالم نظر آیا چلمن جوذرامیں نے اٹھائی تیرےدر کی
در سےترے اللہ کا در ہم کو ملا ہے اس اوج کا باعث ہے رسائی تیرے در کی
اک نعمتِ عظمیٰ سے وہ محروم رہے گا جس شخص نے خیرات نہ پائی تیرے درکی
پھر اُس نے کوئی اورتصور نہیں باندھا ہم نے جسے تصویر دکھائی تیرے در کی
آیا نصیرؔ آج تمنا یہی لے کر پلکوں سے کۓ جاۓ صفائی تیرے در کی
