Shahan e Jahan Kis Liye Sharmaye Hoye Hain

Shahan-e-jahan kis liye sharmaye hue hain Kya bazm mein Taiba ke gada aaye hue hain

Download Lyrics & Access Offline - Install Our App Now!

Milti nahi dil ko kisi pehlu bhi tasalli Lamhat-e-hazoori hai ke tarpaye hue hain

Jannat ki baharein unhein behla na sakein gi Jo aap ki galiyon ki hawa khaye hue hain

Yeh shehr-e-Madinah hai ke ek kashish abad Mehsoos yeh hota hai ke ghar aaye hue hain

Iss waqt na chher ae kashish lazzat-e-dunya Iss waqt mere dil ko woh yaad aaye hue hain

Hajat nahi jumbish ki yahan ae lab-e-sail Woh yun bhi karam haal pe farmaye hue hain

Sultan-e-Madinah ki ata aur yeh Aasi Kuch log toh is baat pe chakraye hue hain

Hangama-e-mahshar mein kahan habs ka khadsha Gesu Shah-e-Konain ke lehraye hue hain

Ban jaye gi mahshar mein Naseer ab teri bigri Sarkar shafa'at ke liye aaye ہوئے hain