Yun Ba Adab Khara Hun

Yun ba-adab khara hoon main roze ke saamne Jaise koi sutoon ho hujre ke saamne

Aaya hai naam aapؐ ka meri zabaan par To mu'tabar hua hoon zamane ke saamne

Andar ki aankh se unhein yun dekhta rahoon Lahore jis tarah ho Madine ke saamne

Asloob-e-tarbiyat yeh mere Mustafaؐ ka hai Baatin bhi rakh diya mere sheeshe ke saamne

Free Up Space - Get Lyrics Without Bulky Screenshots!

Thodi si jagah de dein mujhe bhi Malaikah Mimbar ke aas-paas, musalle ke saamne

Kuch aur bhi ho chashma-e-faizan se ata Dariya to ek boond hai pyase ke saamne

Hain saari zindagi ki namazein khadi hui Us shehar mein kiye hue sajde ke saamne

Har waqt yun nigaah mein rehti hai zindagi Naqsha ho jaise qabr ka budhe ke saamne

Qadmon ke saath main bhi Muzaffar para rahoon Abu Bakr jaise aap ke seene ke saamne