Yun Ba Adab Khara Hun

یوں با ادب کھڑا ہوں میں روضے کے سامنے جیسے کوئی ستون ہو حجرے کے سامنے

آیا ہے نام آپؐ کا میری زبان پر تو معتبر ہوا ہوں زمانے کے سامنے

اندر کی آنکھ سے انھیں یوں دیکھتا رہوں لاہور جس طرح ہو مدینے کے سامنے

اسلوبِ تربیت یہ مرے مصطفؐےٰ کا ہے باطن بھی رکھ دیا مرے شیشے کے سامنے

تھوڑی سی جگہ دے دیں مجھے بھی ملائیکہ منبر کے آس پاسٗ مصّلے کے سامنے

کچھ اور بھی ہو چشمہء فیضان سے عطا دریا تو ایک بوند ہے پیاسے کے سامنے

ہیں ساری زندگی کی نمازیں کھڑی ہوئی اُس شہر میں کئے ہوئے سجدے کے سامنے

ہر وقت یوں نگاہ میں رہتی ہے زندگی نقشہ ہو جیسے قبر کا بوڑھے کے سامنے

Get Lyrics On-The-Go! Download Our App Now!

قدموں کے ساتھ میں بھی مظفر پڑا رہوں بوبکر جیسے آپ کے سینے کے سامنے