Mein Ne Jab Aap Ki Dehleez

میں نے جب آپ کی دہلیز کو آقاؐ چوما یوں لگا آپ نے جیسے مرا ماتھا چو ما

ہونٹ فارغ ہوئے پل بھر کو نہ آنکھیں میری کبھی جالی کبھی روضہ کبھی پردا چوما

آپ کو خواب میں دیکھا تو مقدر جاگے جھوم اٹھا ، نعت پڑھی رو دیا، لپٹا ، چو ما

ان کے قدموں کی طرف لے گئے جب ہونٹ مجھے ہونٹ بھی نقش قدم بن گئے اتنا چو ما

سفرِ عرش پہ لے جانے کو جبریل جب آئے اپنے رخسار سے مہتابِ کف پا چو ما

Download Lyrics & Access Offline - Install Our App Now!

حجر اسود کو دیا بوسہ تو محسوس ہو ا حجر اسود کو نہیں ہاتھ خدا کا چوما

میں بتاتا ہوں تمہیں عشق نوردی کیا ہے ایک آہٹ کے لیے سارا مدینہ چوما

شہد سا دوڑ گیا ہے مری شریانوں میں جب کبھی پڑھ کے درود اپنا انگوٹھا چو ما

منزلیں رہتی ہیں سینے میں مظفر میرے وہ جدھر بھی گئے میں نے وہ رستہ چوما