Yeh Saans Paheli Kuch Bhi Nahi

Yeh saans paheli kuch bhi nahin Meri zaat akeli kuch bhi nahin

Mujhe apne ishq mein sanam karna Ae mere Kareem ﷺ, karam karna

Ghar aap ka shehar Madine mein Rehte hain mere aaine mein

No More Screenshots! Save Storage with Our Lyrics App!

Chalte hain adam ki dharti par Sunta hoon main aahat seene mein

Jab aahat mein kho jaata hoon Khaak-e-kaf-e-paa ho jaata hoon

Is khaak ko sham-e-haram karna Ae mere Kareem ﷺ, karam karna

Sad shukr ke paaya aap ka gham Main dhoop hoon saaya aap ka gham

Mujhe saari khushiyan aap ne deen Mera kul sarmaya aap ka gham

Jab aap ka gham tarpata hai Rone mein bara lutf aata hai

Meri aankhein aur bhi nam karna Ae mere Kareem ﷺ, karam karna

Jab aadhi raat guzarti hai Seene mein subah utarti hai

Main saara bikhar sa jaata hoon Rehmat mujhe yak jaa karti hai

Rehmat ko rakhna saath mere Urte hi rahein safhaat mere

Tarteeb meri har dam karna Ae mere Kareem ﷺ, karam karna

Jo qadrein, husn-e-hayaat ka hain Aks aap ki taleemaat ka hain

Jitne bhi uloom hain duniya mein Sab tarjuma aap ki zaat ka hain

Parha aap ko jab Quran parha Islam parha imaan parha

Mere ilm ko mustahkam karna Ae mere Kareem ﷺ, karam karna

Mahshar ka jab hangama ho Naaton ka sar pe amama hoon

Dekhe jo Khuda aamaal mere Har ik se juda, mera naama ho

Tere zikr ki mohrein hon lab par Meri jitni saansein hon sab par

Bas apna naam raqam karna Ae mere Kareem ﷺ, karam karna