Yeh Din Mere Nabi Ki

Yeh din mere Nabi ki paidaish ka din hai Yaani Khuda ki takmeel-e-khwahish ka din hai

Rehmat-e-Haq ka aaj Muhammad ﷺ naam para tha Tehzeeb-o-akhlaq ki afzaish ka din hai

Shahr-e-ilm se aaj zameen aabad hui thi Har aabadi mein jashn-e-danish ka din hai

Poore saal rahe mujh par is din ka saya Barson ki sadiyon ki gunjaish ka din hai

Galiyon bazaron ko roshan karne walo! Roohon aur zehnon ki araish ka din hai

Hashr ke maidan se kuch kam to nahi duniya bhi Aise jiyo jaise har din pursish ka din hai

Lashkar-e-isyaan bhi hai koh-e-zaat ke peeche Be-khabaro apne upar yurish ka din hai

Stop Wasting Storage - Download Lyrics in Lightweight Text Format!

Taqleed-e-Sarkar-e-do aalam ke feete se Apne apne qad ki paimaish ka din hai

Kaash isi din aaye mujh ko maut Muzaffar! Meri lughat mein to yeh din bakhshish ka din hai