Ya Muhammad Intahab e Kibriya

Ya Muhammad ﷺ intekhab-e-Kibriya tum par salam Bekaran tum se mohabbat barha tum par salam

No More Screenshots! Save Storage with Our Lyrics App!

Pesh-e-lafz-e-aab-o-gil, dibacha-e-shaam-o-sahar Bhejti hai roshni khushbu hawa tum par salam

Sarwar-e-aulad-e-Adam, Adamiyat ke ameer Wali-e-afaq, Khatam-ul-Anbiya ﷺ tum par salam

Tum mohabbat tum buzurgi adl tum sachai tum Ae imam-e-ilm, rooh-e-irtiqa tum par salam

Surkhi-e-kun, ibtida-e-waqt, aaghaz-e-hayat Intiha-e-istifa-o-ijtiba tum par salam

Jab tumhara naam loon, lab choomne lag jaaye dil Dil ki har dhadkan ka likhoon martaba tum par salam

Tum ujala hi ujala, mera daaman daagh daagh Mere Aaqa bhej sakta hoon main kya tum par salam

Lafz saare ashk pee kar chand taare ban gaye Jab Muzaffar ne likha likh kar padha tum par salam