Woh Sue Lalazar Phirte Hain

Woh soye lala zaar phirte hain Tere din ae bahaar phirte hain

Jo tere dar-e-yaar phirte hain Dar-badar yun hi khwar phirte hain

Aah kal aish to kiye hum ne Aaj woh be-qarar phirte hain

Un ke eema se dono baagon par Khail-e-lail-o-nahaar phirte hain

Har charagh-e-mazaar par qudsi Kaise parwana-war phirte hain

Us gali ka gada hoon main jis mein Maangte taajdaar phirte hain

Jaan hain jaan kya nazar aaye Kyun adu gard-e-ghaar phirte hain

Phool kya dekhun meri aankhon mein Dasht-e-Taibah ke khaar phirte hain

Laakhon qudsi hain kaam khidmat par Laakhon gard-e-mazaar phirte hain

Haaye ghaafil woh kya jagah hai jahan Paanch jaate hain chaar phirte hain

Baayein raste na ja musafir sun Maal hai raah-maar phirte hain

Jaag sunsaan ban hai raat aayi Gurg-e-bahar-e-shikaar phirte hain

Nafs ye koi chaal hai zaalim Jaise khaase bajaar phirte hain

Offline Lyrics Anytime, Anywhere - Download the App Today!

Koi kyun poochhe teri baat Razaؔ Tujh se kutte hazaar phirte hain