Woh Banda e Khaas Khuda Ke

Woh bandah-e-khaas Khuda ke hain aur un ki saari Khudai hai Un hi ki pahunch hai Khaliq tak un tak khilqat ki rasaai hai

Woh Rabb ke hain Rabb un ka hai jo un ka hai woh Rabb ka hai Be-un ke jo Haq se mila chaahe deewana hai saudaai hai

Woh sakht ghari Allah-u-Ghani kehte hain Nabi Nafsi Nafsi Us waqt ik rehmat waale ko mujrim ummat yaad aai hai

Instant Access to Thousands of Lyrics - Tap to Install!

Achhon ka zamaana saathi hai main bad hoon mujh ko nibaho tum Kehla ke tumhara jaaun kahan be-bas ki kahan sunwaai hai

Aa jaao badan mein jaan ho kar aur dil mein raho imaan ban kar Hai jism tera yeh jaan teri aur dil to khaas kamaai hai

Aankhon mein hain lekin misl-e-nazar yun dil mein hain jaise jism mein jaan Hain mujh mein walekin mujh se nahan is shaan ki jalwa numaai hai

Allah ki marzi sab chaahein Allah raza un ki chaahe Hai jumbish-e-lab qanoon-e-Khuda Quran-o-khabar ki gawaahi hai

Maalik hain khazana-e-qudrat ke jo jis ko chaahein de daalein Di khuld janab-e-Rabee'ah ko bigri laakhon ki banaai hai

Duniya ko mubarak ho duniya Allah kare woh mujh ko milein Har sar mein jin ka sauda hai har dil jin ka shaidaai hai

Go sajdah-e-sar hai un ko mana lekin dil-o-jaan hain sajdah-kunaan Hai hukm-e-shariat sar pe rawaan dil jaan ne maafi paai hai

Woh Ka'aba-e-sar hai yeh qibla-e-dil woh qibla-e-tan hai yeh Ka'aba-e-jaan Sar us pe jhuka dil un pe fida aur jaan un ki shaidaai hai

Lakri ne kiya un se shikwa oonton ne kiya un ko sajdah Hain qibla-e-hajat aalam ke Saalik kyun baat barhaai hai