Wo Barhta Saya e Rehmat

Woh barhta sayah-e-rehmat chala zulf-e-mu’ambar ka Hamein ab dekhna hai hausla khurshid-e-mahshar ka

Jo be-pardah nazar aa jaaye jalwah roo-e-anwar ka Zara sa munh nikal aaye abhi khurshid-e-khawar ka

Shah-e-Kausar tarahhum tashna-e-deedar jaata hai Nazar ka jaam de pardah rukh-e-pur-noor se sar ka

Adab gaahist zer-e-aasman az arsh-e-nazuk tar Yahan aate hain yun arshi ke aawazah nahin par ka

Hamari samt woh mehr-e-Madinah mehrban aaya Abhi khul jaaye ga sab hausla khurshid-e-mahshar ka

Chamak sakta hai to chamke muqabil un ki tal’at ke Hamein bhi dekhna hai hausla khurshid-e-mahshar ka

Rawaan ho salsabeel-e-ishq-e-Sarwar mere seene mein Na ho phir naar ka kuch gham na dar khurshid-e-mahshar ka

Tera zarrah woh hai jis ne khilaaye anginat taare Tera qatrah woh hai jis se mila dhaara samundar ka

Batana tha ke nature un ke zer-e-paa musakhar hai Bana patthar mein yun naqsh-e-kaf-e-paa mere Sarwar ka

Woh zahir ke bhi haakim hain woh batin ke bhi sultan hain Nirala taur-e-sultani hai shaahon ke Sikandar ka

Yeh sun lein sayah-e-jism-e-Payambar dhoondne waale Bashar ki shakl mein deegar hai woh paikar Payambar ka

Find Your Favorite Lyrics Anytime, Anywhere - Install the App Today!

Woh zill-e-zaat-e-Rehman hain nubuwwat ke mah-e-taaban Na zill ka zill kahin dekha na saayah mah-o-Akhtar ka