Wajood e Haq Khursheed e Nabuwat

Wajood-e-khaak khursheed-e-nabuwwat ki qaba thehra To chashm-e-adamiyyat mein jamal-e-Mustafa ﷺ thehra

Muhammad ﷺ ki barai ka suboot itna hi kaafi hai Treisath saal ka saare zamaanon se bada thehra

Janab-e-Nuh ki pasli pe Aaqa ﷺ ki rahaish thi Safeena is liye kohsaar ki choti pe ja thehra

Usi ki ungliyon mein waqt ke dono sire dekhe Kahin woh ibtida thehra kahin woh intiha thehra

Usi ki thokaron mein manzil-e-maqsood rehti thi Usi ki jhonpri mein zindagi ki irtaqa thehra

Download Lyrics & Access Offline - Install Our App Now!

Yahoodi ki ghilazat dhoi jis ne apne hathon se Wohi tehzeeb-o-akhlaq-e-jahan ka mudda'a thehra

Tasawwur se bhi us ke rooh ko khuraak milti hai Jo registan-o-sehra mein samundar ki hawa thehra

Muzaffar ki hamesha sar-parasti ki duroodon ne Duroodon ki badolat darkhor-e-qurb-e-Khuda thehra